– Հայրիկը չի աշխատում, Տիարի պես ապրում է կրթահամալիրում,- համոզված պատմում է Դավիթ Բլեյանն իր հայրիկի մասին: Հայրիկը չի աշխատում, Տիարի պես ապրում է կրթահամալիրում… Հավանում է իր լեզվում բարեհունչ դարձած այս բառը, որ կրթության մասին ՀՀ օրենքով «Տարբեր կրթական ծրագրեր իրականացնող ուսումնական հաստատությունների միավորում է»՝ մեր դեպքում, նաև, փորձարարական-հետազոտական… Հլը փորձեք ու մի հետազոտեք, Տիարի հետ գործ կունենաք…
Հետազոտական բուռն գործունեություն է ծավալում աշխարհով մեկ Շուշան Բլեյանը… Տեսե՜ք՝ ինչ աշխարհ է ընդարձակ-բազմազան այս նկարներում… Շուշանն ուկրաինացի պրոֆեսորի համար կոնսերվատորիան փոխեց, հիմա էլ Վիեննայում է, բայց ավելի հին, ավելի լավ, ավելի մոտ պրոֆեսոր Վիկտորյա Լուկյանեցի դասարանում: Ուզում ե՞ք ճանաչել հայտնի երգչուհուն. լսեք առանձին ելույթներ իր կայքից:
