Այգեստաննե՜ր մթին, սաղարթավոր ու վեհ,

Այգեստաննե՜ր, որոնք կարկամել են, տարվել

Բլուրների վրա ու բլուրներն ի վե՜ր․․․

Այգեստաննե՜ր։

Այգեստաննե՜ր հուռթի ու կատաղի, հզոր,

Բազուկներով կանաչ ու մրգերով դեղին,

Այգեստաննե՜ր, որոնք վարարել են այսօր,

Սպասում են սիրով իրենց հավաքողին։

Խնկանման խաղող ու տանձ, ու բալ, ու դեղձ,

Իմաստություն՝ աշնան մերգերի պես հասուն,

Իմ մրգաստան երկի՛ր, մրգանման իմ ե՛րգ,

Երգի նման անմահ, երգի նման ասուն․․․

Առե՛ք, առե՛ք երգըս ոսկեբառ ու հզոր,

Այգեստաննե՜ր բերրի ու ձեր գիրկը տարեք․․․

Այգեստաննե՜ր, դուք, որ վարարել եք այսօր,

Այգեստաննե՜ր․․․