Ձմեռ պապը հեծանվով սուրացել է կրթահամալիրի Մեդիակենտրոն ու առաջարկություն բերել, որ 2015-2016-ի ձմեռային ուսումնական ճամբարը 2016-ի հունվարի 18-22-ի փոխարեն լինի 2015-ի դեկտեմբերի 21-25-ին, որ լինի նախաամանորյա-ծիսական ճամբար, որտեղ մարդիկ կնախապատրասվեն և կկազմակերպվեն ամանորյա տոները, ինքնաբուխ-սրտանց-ստեղծագործաբար կտոնեն, կայցելեն իրար, հանդես կգան միասին, կշնորհավորեն իրար։ Կրթահամալիրի՝ Ձմեռ պապի հետ համաձայն տնօրենը տեղնուտեղը որոշեց կատարել այդ փոփոխությունը։ Իսկ այն աշխատանքը, որ նախատեսում էինք 2016-ի հունվարի ուսումնական ճամբարում՝ առարկայական օլիմպիադաներ, հունվարյան ստուգատեսների նախապատրաստում, կկազմակերպվի 2016-ի հունվարյան ուսումնական պարապմունքների միջոցով։

Շնորհավոր նոր տարի։