Կիրակիին նախորդող շաբաթը աշխատանքային եղավ: Կրթահամալիրի Բանգլադեշը սեբաստացի պարտիզպանները, սովորողների և ուսուցիչների տարատարիք խմբերը, ծնողական կոնկրետ ու սրտաբուխ աջակցությամբ, համերաշխ-կապակցված-խելամիտ աշխատանքով, բոլոր դպրոցներում առանց բացառության, ներկայանալի դարձրին` պտղատու ծառերի շարքեր (քանի՞ պտղատու ծառ տնկվեց և այսպիսով՝ քանի՞սն ենք խնամում), եղրևանու և վարդերի թփեր, բալենիների գոտիներ առանձնացվեցին: Իսկ Նոր դպրոցի «Մի ծառ` ես, մի ծառ` դու» տպավորիչ նախագծի գտնված անունը օրվա խորագիրը դարձավ: Մեր դպրոցական բակային պարտեզները երևի ամենագրավիչն են Բանգլադեշում… Ապրիլյան վայելքն այսպիսին է լինում. շնորհակալ եմ: Հետո, երբ փաստ դարձավ վրացի տղամարդկանց էթնո-վոկալ-գործիքային, սովորող-ուսանողների էստրադային և երաժշտության ուսուցիչների` միանգամից երեք խմբի այցելությունը, պետք էր օրվա վերջում պատասխանատուների հավաք անցկացնել… Կարեն Խաչատրյան-Կայը եկավ տանից, Սվետա Ճաղարյանը՝ Մայր դպրոցից, Նառա Նիկողոսյանը հետաձգեց իր պայմանավորվածությունը… Սրա փոխարեն մենք բոլորիդ բուռն-հետաքրքիր, ստեղծագործական շաբաթ ենք խոստանում, անպայման հայ-վրացական. հետևե՛ք mskh-ին, իմ օրագրին, մասնակցեք: Յուրաքանչյուր դպրոցի, խմբի, սովորողի թե ուսուցչի համար տեղ թողել ենք…
Անհամբե՞ր եք կիրակնօրյա ընթերցանությունն իմ օրագրում սկսելու: Համեցե՛ք՝ համառոտ մեկնաբանություններն իմ կարող եք և բաց թողնել:
- Մարդու առողջական վիճակը կարելի է հասկանալ դեմքից:
Լրիվ համաձայն եմ. մաշկը, դեմքը, լավագույն հայելին է մեր առողջական վիճակի: Համ էլ ինչո՞ւ ավելի ուշադիր չնայենք միմյանց, հարազատության դրսևորում չէ՞ իրար ուշադիր զննելը… Էլ չեմ ասում ինքնազննման մասին:
- Սուրճը դրական գգացողություններ է առաջացնում:
Սուրճը բարձրացնո́ւմ է մարդկանց տրամադրությունը. ահա ևս մի փաստարկ` միասին սուրճ խմելու սովորությունից չհրաժարվելու օգտին: - Խառնե՛ք այս 3 բաղադրիչները, և մոռացե՛ք քաղցկեղի և ուռուցքների մասին…
Սեբաստացիներ, այս խնդիրը ոչ միայն անհատական է, ամբողջական լուծում է պահանջում. ահա ձեզ լուծումը: - Աղջիկները ծնվում են սթրեսից, տղաները՝ սիրուց:
- Չամիչ. առողջարար հատկություններ:
Թող մեր սթրեսները այսպիսի բեղուն և գեղեցիկ լուծումներ ունենան: Մայրության իրավունքից, սիրուց-սթրեսից անպակաս լինի ամեն մի հասակավոր սեբաստացի` շրջանավարտ, ծնող թե ուսուցիչ, 2015 բեկում տարում. առանց Ծնունդի ի՞նչ բեկում: Իսկ չամիչը՝ իր օգտակար հատկություններով, ձեզ լավագույն օգնական: - 7. 8. Տանը կիտրոն ունենալու մի քանի պատճառներ: Բնական ըմպելիք, որ կմաքրի արյան անոթները: 7 մթերք՝ առողջ և փայլուն դեմքի մաշկ ունենալու համար:
Առաջարկել եմ՝ բոլոր կաբինետ-միջանցքներում ունենալ կիտրոնի մեծ թփեր. պատրաստ եմ հատուկ ջերմոցային տարածք տրամադրել, միայն նախաձեռնողը մի քայլ առաջ գա: Կիտրոնը անվճար գործածվի կրթահամալիրի խոհանոցներում…
- ԴԱԻՇ-ի գրոհայինները ոչնչացրել են հնագույն իրաքյան Նիմրուդի ավերակները:
Պատերազմի հրձիգն ապազգային է, ի վերջո՝ վայրենի, ընդդեմ մարդկության-քաղաքակրթության… Հին Ջուղայում, թե ասորեստանյան երբեմնի մայրաքաղաքում… - Ողջ Կիևը պատված է անմոռուկներով ու ցեղասպանության 100 ամյակին նվիրված մեծ պաստառներով:
- Ուկրաինացի իշխանությունները Դոնբասի վերականգնումը գնահատել են 1,5 միլիարդ դոլար:
Բորիս Եղիազարյանը Կիևից՝ մեր սեբաստացի նկարիչ Բորիսն է: Նրան ես հավատում եմ, ինչպես նաև Եվրոպայի կենտրոնում ամենագրավիչ կեցությունն ապահովելու` ուկրաինական ժողովրդի կարողությանը: Մեծահոգի-մարդասեր, և հաջողությունը չի ուշանա… Արդյունքները կզգանք նաև մենք… Աջակցենք ուկրաինացիներին:
Սա էլ իմ օրագրի քաղաքական բաղկացուցիչը:
Գեղարվեստի դպրոցում սկսվել է «Կանաչ ցանկապատ» էկո-նախագիծը
«Բանգլադեշ անիվների վրա» նախագիծ. ապրիլի 13-17-ը անիվների շաբաթ է:
Լուսանկարները՝ Արմինե Թոփչյանի
Օրվա ֆոտոխմբագիր՝ Արմինե Թոփչյան