Վեցերորդ օրը Աստված ավարտեց արարման գործերը, յոթերորդ օրը արարման բոլոր գործերից հանգստացավ: Աստված օրհնեց յոթերորդ օրը, սուրբ դարձրեց այն, քանի որ այդ օրը Աստված հանգստացավ արարման իր բոլոր գործերից: Հեղինակային կրթական ծրագիրն էլ արարում է. վեց օր անընդհատ գործող` մշակող, կազմակերպող, տարածող ուսուցիչ, հանգստացիր յոթերորդ օրը:
Ես առաջարկում եմ կիրակնօրյա մի ընթերցարան, որ ընթերցումը ոչ միայն պարտադիր չէ, այլև հանգստացնող, ժամանցային և օգտակար է: Սրանից հետո ամեն կիրակի իմ օրագիրը այսպիսին կլինի:
- Ի՞նչ է ստացվում, երբ ուզում են հետաքրքիր բաներ անել սովորողի համար, ոչ թե նրա հետ: Նկարաշարի հերոս ուսուցիչներն ու դասախոսները փորձել են հետաքրքրել… Մանկավարժությունը ոչ թե մասնագիտություն է, այլ կոչում
- Աշխարհի 7 ամուրի արքայազներ… Սեբաստացի աղջիկներ, վատ ընտրություն չէ` կրթվա˜ծ, հարո˜ւստ, արքայա˜զն… Համ էլ կրթահամալիրն այնքան հոգսեր ունի…
- Ինչպես կարելի է երեխաներին օգնել խուսափելու համացանցային կախվածությունից: «Մեր հետազոտությունները ցույց են տալիս, որ այսօր համացանցային շփումը երեխայի սոցիալականացման պայման է։ Եթե դեռահասը բոլորովին չի շփվում համացանցում, նա դուրս է մղվում իր հասակակիցների միջավայրից».- պնդում է հոգեբանական գիտությունների թեկնածուն:
- Բնական ըմպելիք առողջության և քաշը կորցնելու համար: Ես ընթերցարանում նախապատվություն տալու եմ առողջագիտական այս նյութերին, որոնց օգտակարությունը չգիտեմ, իսկ անվնաս լինելու մեջ կարելի է փորձով համոզվել:
- Ինչ է պատահում, երբ հասած բանան ենք ուտում. ներկայացվում են Ճապոնիայում արված հետազոտություններից մեկի արդյունքները:
- «Հայաստանում կազմակերպվել է բառերով լեցուն իրականություն»: Մեր լավ գործընկերոջ` Սերոբ Խաչատրյանի նյութը կարծես այս շարքից չէ, բայց խաղաղ-շիտակ խոսք է ուղղված մեզ: Կարդացեք: «Այս տեսակի մեխանիզմը` մարդ-մարդ հարաբերությունը, ճիշտ է` ջերմ հարաբերություն է, բայց մյուս կողմից` այդ ջերմությունը շատ հաճախ տեղի է ունենում պետության, պետականության ձախողման հաշվին….»:
«Ձոն» ստուգատեսի շրջանակում ներկայացնենք նաև մեր բնակարանների ծաղիկները: Ահա, Արմինե Աբրահամյանը ներկայացնում է մերը: