Քանի որ ազգովի մեր Ամուլսարի հետ կապված մի քանի փաստաթուղթ ենք կարդալու, իմ բլոգում իմ ընկերների աջակցությամբ հավաքում եմ ազգային ընթերցարան։ 

Ընթերցանության համար որպես շաբաթվա նյութ՝ ներկայացնում եմ օգտակար հանածոյի արդյունահանման նպատակով ընդերքի օգտագործման պայմանագիրը՝ հավելվածներով։ 

Առիթը դարձավ ՖԲ ընկերոջ մի գրառումը պայմանագրից՝ հոդված 9-ի մեջբերումով. 

Պայմանագրի կատարման ընթացքում կողմերի միջև առաջացած վեճերը լուծվում են բանակցությունների միջոցով: Համաձայնություն ձեռք չբերվելու դեպքում վեճերի լուծումը կատարվում է դատական կարգով: 

Շնորհակալ եմ Մարթա Ասատրյանին աջակցության համար։ 

Ամուլսարի մասին ամբողջական ինֆորմացիա կարելի է գտնել  Հայկական բնապահպանական ճակատի կայքում: 

ՀՀ ընդերքի մասին օրենսգրքով պետք է ազդակիր բոլոր համայնքների համաձայնությունն ունենան, կազմակերպեն հանրային լսումներ։ Ջերմուկին և Գնդեվազին, որպես ազդակիր համայնք չեն դիտել։ Սարավանում և Գորայքում գյուղացիների համար ջերմոցներ են վերանորոգել, հացի փուռ, կարի արտադրամաս: Գյուղացիներ կան, ովքեր վաճառել են իրենց ծիրանի այգիները: 

• Դատական հայց կա, որը տարիներով հետաձգվում է: Գնդեվազի բնակիչներն են դիմել ՀԿ—ների հետ միասին: Դատի հետ կապված մի հետաքրքիր փաստ ասեմ. դատական հարցերով զբաղվում էր այժմ Քոչարյանի դատապաշտպան Հայկ Ալումյանը, ով նաև մեր շրջանավարտի քեռին է եղել ու իրեն որպես ընդիմադիր գիտեինք: 

• Գնդեվազցիները նաև Լիդիանին բաց նամակով են դիմել։ 
• Ջերմուկ համայնքի բնակչությունը շուրջ 3000 ստորագրությամբ հանրագիր է ներկայացրել ավագանուն և ՀՀ կառավարությանը՝ մետաղական հանքարդյունաբերությունն արգելելու պահանջով: 
• Թրանսփարենսի Ինթերնեշնլ հակակոռուպցիոն կենտրոնը  պահանջում է քննչական կոմիտեից շարունակել Ամուլսարի վերաբերյալ քրեական գործի վարույթը 

Այս տեսանյութն եմ առաջարկում նայել,  որտեղ իրավական կողմն է ներկայացվում խնդրի: 

Կառավարության նիստերում Ամուլսարի մասին 

• Ամուլսարի գործով փորձաքննությունների համար Քննչական կոմիտեին կտրվի 396,000 ԱՄՆ դոլար 
• Կառավարության նիստում ներկայացվել է Ամուլսարի հանքի միջազգային փորձաքննության եզրակացությունը