ՀՀ ՊՆ պահանջով ներկայացնում ենք Արատեսի դպրական կենտրոնում մեր ճամբարին աջակցության մեր առաջարկությունը։
«Մխիթար Սեբաստացի» կրթահամալիրը, պետության պատվերով, մշակում իրականացնում, տարածում է կրթական այլընտրանքային ծրագրեր: Այդ ծրագրերի բաղացուցիչներից են ավագ դպրոցի սովորողների նախնական զինվորական պատրաստության, արտակարգ իրավիճակներում գործելու, մարզական, հայրենագիտական, բնապահպանական ծրագրերը, որոնք իրականացվում են նաև ուսումնական շուրջտարյա ճամբարներում, հավաքներում, ուսումնական ճամփորդություններով:
Կրթահամալիրը Վայոց ձորի Եղեգիս համայնքում, որպես մասնաճյուղ, ունի Արատեսի դպրական կենտրոնը՝ դպրոց բնության գրկում: Դպրական կենտրոնը Արատես գետի, նրա վտակների ավազանում է, ունի տնակային կացարան, հարմար տարածք՝ ռազմամարզական գոտու, վրանային ճամբար կազմակերպելու համար:
Կրթահամալիր աշխատանքի համար դիմած մասնագետների հեծանվային ստուգարք։
Կրթահամալիրի ուսումնական օրացույցով 2018թ. սեպտեմբեր-հոկտեմբեր ամիսներին Արատեսի դպրական կենտրոնում կազմակերպվում է ռազմամարզական, հայրենագիտական, բնապահպանական արշավախմբային եռօրյա ճամբար (երկսեռ)։ Ճամբարում կլինեն ինչպես կրթահամալիրի, այնպես էլ Վայոց ձորի, Գեղարքունիքի, Հայաստանի այլ մարզերի դպրոցների ավագ դասարանների սովորողներ: Ճամբարի ընթացքում սովորողները կլողան Արատես գետում, կիրականցնեն հայրենագիտական քայլարշավ մոտակա լեռներով, կծանոթանան բուսական և կենդանական աշխարհին, կզբաղվեն նետաձգությամբ և սուսերամարտով:
Ճամբարականները կգիշերեն Արատես դպրական կենտրոնի կացարանում և ճամփորդական վրաններում:
Խնդրում ենք աջակցել Երևան-Արատես-Երևան սովորողների տեղափոխումը կազմակերպելու հարցում՝ յուրաքանչյուր հերթափոխի համար տրամադրելով մեկ հատ 24 տեղանոց ավտոբուս (մեկնումը ամեն ուրբաթ առավոտյան, վերադարձը՝ կիրակի երեկոյան, ավտոբուսի վարորդի կեցությունը և սնունդը՝ ճամբարում): Վայոց ձորի և Գեղարքունիքի մարզերի սովորողների տեղափոխումը կկազմակերպեն տեղական իշխանությունները: Սեպտեմբեր-հոկտեմբեր ամիսների համար հերթափոխերի ցուցակը կցվում է (հավելված 1):
Արատեսի դպրական կենտրոնում 2019թ.-ից գործելու է ամառային հնգօրյա վրանային ճամբար (երկսեռ)։ Ճամբարին մասնակցելու են Երևանի, Հայաստանի մարզերի, Արցախի հանրակրթական դպրոցների պատանիներ, մանկավարժական աշխատողներ: Կարևորում ենք, որ ամառային ճամբարի պայմանները մոտ լինեն դաշտային-զորանոցային պայմաններին, այցելեն Եղեգնաձորի (Վայքի) զորամաս, իրականացնեն մեկօրյա քայլարշավներ, յուրացնեն արտակարգ իրավիճակներում գործելու, նախաբանակային պատրաստության, անվտանգ կենսագործունեության հմտություններ, իրականացնեն շրջակա միջավայրի մաքրման-բնապահպանական աշխատանքներ։
2-4 տարեկանների բացօթյա քուն կրթահամալիրի հյուսիսում։
Սկսել ենք ճամբարի համալիր ռազմամարզական գոտու նախագծման-ստեղծման աշխատանքները, որ նախատեսում ենք իրականացնել որպես նախագիծ՝ պատանիների և մանկավարժական աշխատողների մասնակցությամբ։ Ակնկալում ենք ՀՀ պաշտպանության նախարարության աջակցությունը՝ մինչև 2019թ. հունիսը այն ավարտելու համար (հավելված 2)։ Պետք կլինի նաև ապահովել ճամբարակաների տեղափոխումը և ճամբարային ճամփորդությունները՝ այդ նպատակով հատկացնելով 2 ավտոբուս։ Յուրաքանչյուր ամսվա հերթափոխների ցուցակը կներկայացնենք մինչև նախորդ ամսվա 15-ը։
Պատրաստ ենք սեպտեմբերին և՛ Արատեսում, և՛ ՊՆ-ում ներկայացնել մեր առաջարկը։
Հավելված 1
Ներկայացնում ենք սեպտեմբեր-հոկտեմբեր ամիսների հերթափոխները. մեկնումը Սուրբ Երրորդություն եկեղեցու մոտից (ՀԱԹ, Րաֆֆու փողոց), Երևան-Արարատ-Արենի-Գետափ-Եղեգիս-Արատես երթուղով, վերադարձը՝ Արատես-Շատին-Գետափ-Արենի-Արարատ-Երևան։
- Սեպտեմբերի 7-9. մեկնումը՝ սեպտեմբերի 7-ին, ժամը 8։00, վերադարձը՝ սեպտեմբերի 9-ին, մինչև 20։00։
- Սեպտեմբերի 14-16. մեկնումը՝ սեպտեմբերի 14-ին, ժամը 8։00, վերադարձը՝ սեպտեմբերի 16-ին, մինչև 20։00։
- Սեպտեմբերի 21-23. մեկնումը՝ սեպտեմբերի 21-ին, ժամը 8։00, վերադարձը՝ սեպտեմբերի 23-ին, մինչև 20։00։
- Սեպտեմբերի 28-30. մեկնումը՝ սեպտեմբերի 28-ին, ժամը 8։00, վերադարձը՝ սեպտեմբերի 30-ին, մինչև 20։00։
- Հոկտեմբերի 5-7. մեկնումը՝ հոկտեմբերի 5-ին, ժամը 8։00, վերադարձը՝ հոկտեմբերի 7-ին, մինչև 20։00։
- Հոկտեմբերի 12-14. մեկնումը՝ հոկտեմբերի 12-ին, ժամը 8։00, վերադարձը՝ հոկտեմբերի 14-ին, մինչև 20։00։
- Հոկտեմբերի 19-21. մեկնումը՝ հոկտեմբերի 19-ին, ժամը 8։00, վերադարձը՝ հոկտեմբերի 21-ին, մինչև 20։00։
- Հոկտեմբերի 26-28. մեկնումը՝ հոկտեմբերի 26-ին, ժամը 8։00, վերադարձը՝ հոկտեմբերի 28-ին, մինչև 20։00։
Հավելված 2
Դաշտային բացօթյա, 40 մասնակցով ճամբարի համար անհրաժեշտ են.
- ննջարանային վրաններ (2 վրան 20 տեղանոց, աղջիկների և տղաների համար)՝ համապատասխան կահավորումով
- շտաբային վրան
- մեծ վրան` համապատասխան կահավորումով՝ որպես դաշտային ճաշարան
- դաշտային խոհանոց
- դաշտային զուգարաններ
- դաշտային ցնցուղներ
- ռազմամարզական գոտու ամբողջացման, ճամբարի գործունեության համար անհրաժեշտ այլ գույք։