1. «Արվեստը» 7-11-րդ դասարանում

«Արվեստը» կրթահամալիրում իրականացվող հեղինակային կրթական  ծրագրերի ուսումնական պլաններով որոշված առարկա է 7-11-րդ դասարաններում։ Այն, 7-9-րդ դասարաններում, ըստ ուսումնական պլանի. «ընդգրկում է կինո, թատրոն, կերպարվեստ դասընթացները, կազմակերպվում է թատրոնի-կինոյի դիտման, թանգարան-ցուցադրություն այցելության,  ծեսի, տոնի, համերգի, ցուցադրության կազմակերպման ուսումնական նախագծերի միջոցով»:

Խնդրում եմ դպրոցների ղեկավարներին՝  Մարգարիտ Սարգսյանին և Մարթա Ասատրյանին տեղեկանք ներկայացնել՝ սեպտեմբերին ինչ ուսումնական նախագծեր են իրականացվել, ով է ղեկավարել-կազմակերպել այդ նախագծերը, ինչ արդյունքներ կան։

2015-2016 ուստարում 10-11-րդ դասարաններում «Արվեստը» ընդգրկում է Աստվածաշնչի գիտելիքի, ծիսական մշակույթի, մշակութային ժամանակակից կյանքի, ժամանակակից արվեստի (ճարտարապետություն և քաղաքաշինություն, կերպարվեստ, կինո, թատրոն, գրականություն) դասընթացներ։

Ավագ դպրոց-վարժարանի դասացուցակում 10-11-րդ դասարաններում (հինգ դասարան) «Արվեստը» դրվում է նույն ժամին (ուրբաթ՝ ժամը 12:55-13:35)։ Սովորողը կարող է իր ընտրած հերթականությամբ մեկական կիսամյակ մասնակցել առաջարկվող դասընթացներին, առանց դասացուցակը փոխելու։

Դասընթացները վարում են մշակույթի ոլորտում իրենց համապատասխան գործունեությամբ հայտնի մարդիկ, գործող արվեստագետներ, ում առաջարկում ենք մշակել և վարել կրթահամալիրի 10-11-րդ դասարանցիներին ուղղված դասընթաց։

Դասընթացները կազմակերպվում են ծրագրով որոշված մասնագիտական միջավայրում։

  1. Փոփոխություն ուսումնական օրացույցում

Կրթահամալիրի 2015-2016 ուստարվա ուսումնական օրացույցում մանկավարժական աշխատողների շուրջտարյա դպրոցի ամենաշաբաթյա պարապմունքները և ամենշաբաթյա ընդհանուր մեդիապարապմունք-համերգը տեղափոխվել են։ Այսուհետ կլինի.

  • Չորեքշաբթի` ժամը 15.15-16.00 — ընդհանուր մեդիապարապմունք-համերգ
  • Ուրբաթ` մանկավարժական աշխատողների շուրջտարյա դպրոց
    ժամը 12.00-13.00` երկարացված օրվա կազմակերպիչների
    ժամը 14.00-15.00` դաստիարակների
    ժամը 15.15-16.15` դասավանդողների

Այսպիսով՝ հերթական սեմինարները կլինեն հոկտեմբերի 2-ին, հերթական մեդիապարապմունքը՝ հոկտեմբերի 7-ին։ Իսկ սեպտեմբերի 30-ին, ինչպես որոշված էր նախօրոք, կրթահամալիրի աշխատողների ամենամսյա ժողովն է։

 

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Explore More

«Մեղրաձոր» ճամբարը սպասում է…

Հուլիսի 28-ին Կողբից Մեղրաձորի Այդին կոչվող ճամբարային տարածք տեղափոխվեց մեր արշավախմբային հանդերձանքը. «Մեղրաձոր» ճամբարը 30 վրանային-ներքնակային տեղով խոհանոցով-սանհանգույցով պատրաստ է սեբաստացի ճամբարականներին ընդունելու: Հուլիսի 31-ին՝ ժամը 9.00, Մեդիակենտրոնից ճամբարի 1-ին հերթը

Աշխատանքային ճամփորդություն Օշական

Կրթահամալիրի ուսումնական օրացույցով որոշված ամսիկները, ասել եմ, այսուհետ նաև 6 տարեկանների ուսումնական կարողությունների ձևավորման-զարգացման, մեկամսյա ուսումնական աշխատանքի արդյունքների ներկայացման ստուգատեսներ են։ Եվ դրանք գործունեության մյուս ձևերի հետ պարունակելու են ճամփորդությամբ

Կրթական պարտեզը մեզ միավորում է

«Կրթական պարտեզ բնակելի արվարձանում» նախագծի շահառուներին, հետաքրքրվողներին, սեբաստացի և ոչ սեբաստացի Ներկայացնում եմ «Կրթական պարտեզ բնակելի արվարձանում» քաղաքացիական նախաձեռնությունը և հանդես եմ գալիս նրա անունից։ «Կրթական պարտեզ» նախագծի մասին խոսելիս