Ողջույն, տիար Բլեյան, ես լսեցի Azatutyun.am-ին տված ձեր հարցազրույցը: Պիտի ասեմ, որ անչափ գոհ եմ ու տպավորված ձեր դպրոցով ու ուսուցման մեթոդներով: Իմ անունը Մարինա է, ես անգլերեն եմ դասավանդում Բոստոնի մասնավոր քոլեջներից մեկում: Ներկայումս ես Երևանում կլինեմ մինչև սեպտեմբերի 16-ը: Ինձ համար մեծ պատիվ կլինի հանդիպել ձեզ՝ սեպտեմբերի 14-ին կամ 16-ին որևէ ժամանակ:

Անհամբեր սպասում եմ պատասխանի,
հարգանքներով՝ Մարինա

Համեցեք, հարգելի Մարինա։ Ողջույն։  Ձեզ սիրով հրավիրում եմ կրթահամալիր՝ սեպտեմբերի 10-ին՝ ժամը 15.00։ Հետո միասին կգնանք համերգ, որ մեր կրթահամալիրի երաժշտության ուսումնական կենտրոնը կազմակերպում է Կոմիտասի թանգարան-ինստիտուտում։ Կամ համեցեք սեպտեմբերի 11-ին՝ ժամը 15.00, կրթահամալիրում ամեն ուրբաթ կազմակերպվող ընդհանուր պարապմունք-համերգի։ Իմ օգնական, իմ զարմուհի Սուսան Հովհաննիսյանի հետ կարող եք ավելի կոնկրետ պայմանավորվել։ Փոխանակեք հեռախոսներ։ Կրթահամալիրն ունի հարմարավետ կացարաններ. Ձեր հարմար ժամանակ համեցեք, եղեք մեր գործընկեր-հյուրը։ Մենք կարևորում ենք կրթական փոխանակման ամենատարբեր ծրագրերը։

Հարգանքներով՝ Աշոտ Բլեյան

Աշոտ, անչափ շնորհակալ եմ հրավերի համար, այնուամենայնիվ, ես քաղաքում չեմ լինի մինչև կիրակի: Վերադառնալուն պես պայմանավորվածություններ ունեմ այստեղ ու այնտեղ: Իսկ ամսի 17-ին վերադառնում եմ Բոստոն:
Հնարավոր կլինի՞ հանդիպել երկուշաբթի՝ սեպտեմբերի 14-ին: Ես ունեմ մեկ հանդիպում առավոտյան ժամը 9-ին, և ևս մեկը՝ երեկոյան 5-ին, Բանգլադեշում:

Մարինա