Հարգելի Հայկ Գրիգորյանի նման, համարյա միաժամանակ, մութուլուսին, իմ օրը քանի՜ տարի այսպես է սկսվում, ես էլ չէի անդրադառնա Քոչարյանի թեմային, եթե չծանոթանայի Հայկի այս հրապարակմանը․․․
Սեպտեմբերի 3-ով իր օրացույցային 2018-2019-ը նախագծային է կրթահամալիրով մեկ՝ հանրային խնդիրների-քննարկումների-համատեղ լուծումների ոգևորող-անսպառ հնարավորություններով․․․ Համեցե՛ք «Մխիթար Սեբաստացի» կրթահամալիր, համեցե՛ք կրթահամալիրի Բանգլադեշի որևէ հարթակ, սեբաստացի սովորողների-ուսուցիչների ձեր ընտրած խմբում, ձեր նախագծով, նորին մեծություն Առաջադիմություն, մտե՛ք բաց հանրակրթական աշխարհ՝ օգնելով մեր ուսումնական նախագծերի լուծմանը․․․
Արա լեռան մեկ օրը: Լուսանկարները՝ Սոնա Փափազյանի:
Մարիետ Սիմոնյանի գրական ակումբը՝ նրա առաջնորդությամբ, երեկ Սևանի «Ժայռ»-ում կարողացա՞վ ալիքոտել մեր օգոստոսյան անդորրը․․․ Լավ կլիներ, օգոստոսի այս օրերը՝ իր հինգշաբթին․․․ Վա՜յ, օդի պես պակասող օրվա՝ օգոստոսի 31-ի՝ այս շաբաթվա ուրբաթի էս ի՜նչ հայտնաբերում է։ Ա՛յ քեզ հաջողություն, օգոստոսը 31-րդ օր էլ ունի՞. ուրբաթը այսպիսի նախագծային շաբաթի պատրաստության համար նվեր է․․․
Սեպտեմբերի 1-ը, որպես ոչ աշխատանքային օր ու տոն գիտելիքի, հանրապետության տոների ու հիշատակների օրացույցով օրենքի ուժ ունեցող, գիտելիքը, հետազոտական գործունեությունը, մտավոր ջանքը հանրայնացնելու, երեխայի-սովորողի անձնական ընկալման բերելու աստիճանի կարևորություն ու հնարավորություն է բերում, եթե տոնը դուրս գա ձևական՝ հանրակրթական ուսումնական հաստատության շրջանակից ու դառնա հասարակությանը՝ համախմբելով ողջ իմացական-մտավոր ներուժը հայրենի․․․ Համեցե՛ք, վերցրե՛ք ձեր երեխայի ընկերներին և ուսուցիչներին, համեցե՛ք, տարիքային խառը խմբերով գիտելիքի օրը տոնի վերածեք՝ օգտագործելով Երևանի, քաղաքամերձ բոլոր հարթակներն ու հնարավորությունները․․․ Ճամփորդելով ուսուցանենք, թանգարաներում-գիտահետազոտական-արտադրական օջախներում ուսուցանենք… Հետաքրքիր-անմոռանալի դարձրեք օրը՝ ինչպես երեկ Դավիթ Բլեյանի համար Սևանի «Ժայռ»-ում գրական ակումբը․․․
Իրիկունը հեծանվով Մենուայի, Հասմիկի հետ մտնում ենք տուն, Դավիթը վազեց ընդառաջ․
— Պա՜պ, լավ էր․ ամեն ինչ լավ էր,- ու գնաց իր գործին․․․
Իսկ պատրա՞ստ է հասարակությունը քաղաքական սերնդափոխությամբ, սիրո ու համերաշխության հայտարարած այս շրջանում, այսպիսի նախագծումի և իրագործման, իսկ համար մեկ պատրաստության վիճակի բերվա՞ծ է գիտելիքաստեղծը հանրապետությունով մեկ․․․ Օգտագործե՛ք այս ժամանակը՝ մինչև սեպտեմբերի 1-ը պատրաստվելու. տոնին եղեք ձեր երեխաների հետ ընտանեկան նախագծերով, գրոհեք ստեղծումի ֆիզիկական բարձունքներ, իսկ սեպտեմբերի 3-ից սկսած՝ կրթահամալիրի Բանգլադեշում, ձեր ընտրությամբ․․․ Իմ երեկվա սուրհանդակը հո չե՞մ վերապատմի․․․ Սուրհանդակը կարդալու համար է։
Այսօր, ժամը 12։00-ին, ես Անժելա Թովմասյանի, հայտնի «Հայելի» ակումբի հրավերն ունեմ, և իմ գիրը սրան պատրաստվելու բնական ընթացք պիտի ունենար և ունի. «Հայելի»-ն էլ լավ հարթակ է հանրության տեղեկացման․․․ որ ինձ համար իմ աշխատանքից անօտարելի է։
Կրթահամալիրում աշխատանք փնտրողների համար Մուտքի ճամբարը՝ բաց-հասանելի յուրաքանչյուրին, իր աշխուժությամբ-մեծաքանակությամբ ոգևորում է հեղինակային մանկավարժական աշխատանքի նոր հնարավորություններ, հեղինակային դպրոց-պարտեզներ բացելու փութաջանությամբ նոր․․․
Սևանի «Ժայռ» լողափում:
Լուսանկարները՝ Սոնա Փափազյանի և Սյուզաննա Սարգսյանի:
Այս տարվա մեր ընդունելության թափը չի պակասում․ լրացավ 6 տարեկանների 7-րդ դասարանը, ութերորդը բացելը, ինչպես 5 տարեկանների համար 6-րդ խմբի ստեղծումը, ինչպես 2-4 տարեկանների համար հերթական սրահի կազմակերպումը այս անգամ Արևմուտքում մեր, Քոլեջում նախադպրոցական կրթության դաստիարակի մասնագիտությամբ հիմնական կրթության հիմքով ուսանողների նոր լսարանը, ինչպես երեխայի ծնունդով բերված հոգսերը․․․ Հա՛, հոգս են, բայց մեր կյանքը այդպիսի հոգսերով չի՞ լիցքեր ստանում․․․
Դավիթ Բլեյանը թե՝
— Մա՜մ, այսպես կլոր լավն ես, սիրուն ես, փափուկ ես, բայց ինչի՞ նոր կուկու բերես․․․ Միշտ այսպես մնա…
Ընթերցողի գործն է մեկնաբանումը, իմը՝ օրը, որ և՛ ձեզ հետ է, և՛ ձեր աչքից հեռու, մեծ է աշխարհը մեր, ու ես մորս դաջած՝ հայտնի տափուկը, ամենատափուկը, ձեզ վերադարձնելն է․․․
Սեբաստացի ուսուցիչ-մայրիկները՝ արդեն երեք բալիկ ունեցողներով, Սաթիկ Սիմոնյանը, Լիլիթ Սահակյանը, Մարինե Ամիրջանյանը, Արմինե Մնացականյանը․․․ լրիվ կազմը կադրերի տեսուչի ձեռամբ կարդացեք, նոր ակումբ են ստեղծում, ես էլ՝ հեծանվով, չեմ ուշանում նման հավաքներից-նախաձեռնություններից անպակաս… Ինձ հարցնում են՝ ո՞վ-ինչպե՞ս դառնա ակումբի նախագահ, ես էլ՝ Դավիթ Բլեյանի արժանի պատասխանով․
— Չորրորդ երեխա բերողը․․․
Դավթապատում Սևանի Ժայռից։ Լուսանկարները՝ Արմինե Թոփչյանի։
Բլեյան կրթական ցանցի նախաձեռնումը հենց գիտելիքատար նախագիծ է՝ հանրակրթության արդիականացում-տարածում, այնպես որ մանկավարժ-աշխատողը իր բնակավայրում, իր աշխատանքի-կրթական ծառայության հեղինակը դառնա․․․ Ինչքա՞ն սպասի և ո՞ւմ սպասի․ կա՞ հանրային պահանջ մոբիլ-ստեղծական-անընդհատ-համերաշխ հանրակրթական միջավայրի, դարձե՛ք դրա կազմակերպիչը-հեղինակը, մի խմբով հիմնեք ձեր պարտեզը-դպրոցը-ակումբը, միացե՛ք Հեղինակային մանկավարժության մեր ցանցին հանրապետությունով մեկ, որ դուք մնաք, ստեղծեք ձեր բնակավայրում, որ ձեր երեխան ձեր բնակավայրի երկրագործը դառնա, որ հանրապետությունը չշարունակի հավաքվել Երևանում, որ մեր կյանքի փոփոխությունները ձեզանով մտնեն հանրապետության յուրաքանչյուր բնակավայր․․․
Այս օրերին իմ հեռախոսին զանգերը կա՛մ ընդունելության հարցերով են կրթահամալիրի, կա՛մ Եղեգիսի մեր Արատեսի… Ուզում են, որ շարունակեմ պատումը, չընդհատեմ։ Սիրով, միայն թե այսօր պատումի չափը անցա։ Դպրական կենտրոնի բլոգում 2018-ի Արատեսն է, բնության գրկում դպրոցը, իմ արատեսյան օրագիրը նաև․․․ Իսկ օգոստոսի 25-ի տեսապատումներն այս, Արատեսի կառուցվող պանդոկից և վանքից, անմիջական են-անարատ։ Շնորհակալ եմ Քնարիկ Ներսիսյանին ուշադիր վերաբերմունքի ու բարեխիղճ աշխատանքի համար։
Ֆոտոխմբագիր՝ Սոնա Փափազյան
#1450