Հ. Գ. Մենք ասելու և անելու շատ բան ունենք…
Լուսանկարները՝ Սոնա Փափազյանի:
Սիրելի Սոնա և հայ-ֆրանսիական ճամբար, Սևանի «Ժայռ»-ում ձեր եռօրյա ճամբարային հավաքը՝ իր ուղիղ եթերով, տպավորիչ էր։ Նամակ-առաջարկը՝ Արատեսում Փարիզի մեր հայրենակիցների հետ ձեր միասին ապրելը շարունակելու, որպես աշխատաքային ջոկատ, ողջունում եմ։ Դուք ունեք իմ առավելագույն աջակցությունը։ Հիմա ես Դավթի, Շուշանի, Արևիկի հետ շարժվում եմ Արատես՝ Սմբատ Պետրոսյանի աշխատանքային ջոկատին տեղում աջակցելու համար։ Լինենք կապի մեջ։
Իմ էլ․ փոստում է նաև Մարթա Ասատրյանի հաղորդումը Ստամբուլի մեր հայ գործընկերների հետ համատեղ սեպտեմբերյան ճամբարի մասին։ Իմ գիրը այս շրջանում, մինչև սեպտեմբերի 4-ը, լավագույն տեղն է 2018-2019 ուսումնական տարվա օրացույցով ուսումնական նախագծերի հայտերը ներկայացնելու համար։ Սկսե՛ք։
Հարգելի տիար Բլեյան
Սեպտեմբերի 3-7-ը կրթահամալիրում կլինեն Ստամբուլի Տատյան վարժարանի սովորողների և դասավանդողների 30 հոգանոց խումբը:
Կցում եմ ընդունելության ծրագրի նախագիծը, որը կազմել եմ քննարկելով Ստամբուլի կողմի, Մարալի հետ:
Լիլիթը ուղարկել է նախորդ նամակները, որոնց վրա կաշխատեմ, որ ուղարկենք: Նախահաշիվն այնպես եմ կազմել, որ իրենք վճարեն տրանսպորտային ծախսերի համար:
Տիար ջան, քանի որ սովորողները տարիքով փոքր էին, և հրավիրելիս նշել էի, որ հյուրատուն ունենք, տիկին Ալիսը խնդրեց, որ այս անգամ բացառություն անենք և սովորողները միասին մնան, քանի որ ծնողներին արդեն այդպես էին ասել:
Մեր սովորողները իրենց ընտանիքներում ընթրիքի կհրավիրեն, արդեն պայմանավորվել եմ բոլորի հետ
Խնդրում եմ Ձեր նկատառումները:
Հարգանքով՝ Մարթա
Կրթահամալիրի սովորողների և դասավանդողների խումբը Ստամբուլում:
Լուսանկարները՝ Մարթա Ասատրյանի արխիվից:
Ֆոտոխմբագիր՝ Սոնա Փափազյան